IQTL, I.P. Partisipa reuniaun “U.S.–ASEAN ROUNDTABLE” Best Practices in Implementing and Aligning Cybersecurity Standards and Conformance in ASEAN .

Jakarta 2-3 Dezembru 2025 Instituto para a Qualidade de Timor-Leste, I.P. (IQTL, I.P) partisipasaun Membru Konsellu (Vogal II no Vogal III) iha atividade internasionál “U.S.–ASEAN Roundtable: Best Practices in Implementing and Aligning Cybersecurity Standards and Conformance in ASEAN”, ne’ebé hala’o iha Jakarta. Partisipasaun husi Membru konsellu administrasaun IQTL,I.P, Vogal II Sr. Gustavo Maia de Oloveira no Vogal III Sr. Tolentino Mariano F. Guterres, representa kompromisu Timor-Leste atu halibur konhesementu foun no prátika di’ak ida-ne’ebé relevante ba: Alinhamentu padraun cybersecurity iha rejiaun ASEAN; Konserva regulamentu no mekanismu konformidade ba seguransa digital; Reforsa kapasidade nasional iha avaliasaun risku, auditoria teknika, no monitorizasaun sistema sibernétika; Kooperasaun Estratéjika entre Timor-Leste, ASEAN, no Estados Unidos. Best practices husi EUA, inkluí NIST Cybersecurity Framework; Inisiativa atu harmoniza padraun no diretrizes cybersecurity iha ASEAN; Mekanismu atu aumenta konfiansa mutu liután setor público no privado; Importánsia atu dezenvolve standards, metrologia, akreditasaun, no conformity assessment ba área cybersecurity. “Iha mundu digital ne’ebé kontínua muda, harmonizasaun padraun seguranza sibernétika sei sai faktor chave ba reziliénsia nasionál. Partisipasaun iha Roundtable ida ne’e fó ita oportunidade atu aprende hosi prátika di’ak rejional no globál, no atu prepara Timor-Leste ba integrasaun ASEAN,” IQTL, I.P. sei kontinua kontribui aktivamenti iha plataforma rejional no internasionál, Partisipasaun iha U.S.–ASEAN Roundtable ne’e reforsa visão institusional atu hadia padraun, konformidade, no servisu inovativu ne’ebé sustenta dezenvolvimentu seguransa digital no ekonomia nasional.